Tuesday, June 2, 2026

Qánekey, turıń, ketiń bul jerden! Artıq aman-esenlik taba almaysız bul elden! Óytkeni gúnańız sebepli elińiz tolıq wayran boldı».

Mixa 2:10

Sebebi bul jerde bizlerdiń máńgilik qalamız joq. Bizler keleshekte aspannan túsetuǵın qalanı árman etemiz.

Evreyler 13:14

Demek, Qudaydıń xalqı ushın haqıyqıy dem alatuǵın waqıt keledi.

Evreyler 4:9

– Bellerińiz buwıwlı bolıp, shıralarıńız janıp tursın! Xojayını neke toydan qaytıp kelip, esikti qaqqanda, oǵan dárriw ashıw ushın kútip turǵan xızmetshilerdey bolıńlar. Xojayını kelgende olardıń sergek bolıp turǵanın kórse, sol xızmetshiler baxıtlı! Sizlerge shının aytaman: ol belin buwıp, xızmetshilerin otırǵızıp, ózi olarǵa xızmet etedi.

Luka 12:35-37

Solay etip, aqıl-oyıńızdı is-háreketke tayarlap, sergek bolıńlar. Iysa Masiyx kelgende sizlerge beriletuǵın miyrimnen tolıq úmit etińler.

1 Petr 1:13

Tuwısqanlar, men ózimdi usı maqsetke jettim dep esaplamayman. Tek ǵana izde qalǵanlardı esten shıǵarıp, aldındaǵılarǵa umtılıp atırman. Qudaydıń sıyına, Onıń Masiyx Iysa arqalı aspanǵa shaqırıwına erisiw ushın, men belgilengen maqsetke jetiwge tırısıp atırman. Solay etip, aramızdaǵı isenimi jetisken adamlardıń hámmesi usı oy-pikirge iye bolsın. Eger sizler basqasha oylaytuǵın bolsańız, Quday sizlerge bunı da ashıp beredi.

Filipliler 3:13-15