Sizdiń sadıq dosıńız bar ma?
Bir zamanlar bir dıqqanınıń júdá paydalı iti bolǵan. Biraq it qartayǵanda, onıń shúkirsiz iyesi onı suwǵa batırıp qutılıwdı sheshken.
Insannıń joybarı
Ol itti óz ferması janındaǵı dáryaǵa alıp kelip, onıń ortasına esip bardı. Ol ittiń moynına eski arqan menen awır tastı bayladı. Olar dáryanıń eń tereń jerine jetkende, ol itti suwǵa tasladı. Biyǵara it arqan úzilgenge shekem batıp ketti. Sonnan keyin ol shıńǵırıp qaytadan suw betine shıǵıp, qayıqqa qaray júzdi. Biraq ol hár saparı qayıqqa shıǵıwǵa háreket etkeninde, onıń qáddarsız iyesi onı esiw arqalı itip jiberdi. Aqırında júreksiz dıqqan turıp, esiwdi basınıń ústine kóterdi. «Bir jaqsı urıw onı anıq batıradı,» dep oyladı ol. Ol esiwdi serpegen waqıtta, teń salmaqlılıǵın joǵaltıp, suwǵa túsip ketti.
Insannıń mashqalası
Ol júze almadı! Ol batıp baratır edi! Biraq asıl it óz iyesiniń qıyınshılıqta ekenligin kórip, oǵan barıp, onıń kurtkasınan ustap, qáwipsiz jerge súyrep shıǵardı. Jańa ǵana kórgen qáddarsız minez-qulıqqa qaramastan, bul sadıq dos qáddarsız adamnıń ómirin saqlap qaldı. Jaqsı itke bunday qaraǵan hár bir adam jazalanıwǵa ılayıq. Siz qosılasız ba?
Qudaydıń joybarı
Biraq bir minut kúte turyń! Biz bul dıqqannan da gúnalı emespeyiz be? Qudaydıń Ulı Isa bul dúnyaǵa biyǵara, gúnalı adam ushın tek muhabbat hám bereket penen kelgen waqıtqa qaytayıq. Ol nawqaslardı emlep, ólgenlerdi tiriltip, ashlarǵa tamaq berip, qayǵılılarǵa quwanısh alıp keldi. Ol adamzat tariyxındaǵı eń sadıq dos edi. Biraq adamlar «Onı joq etiń!» dep baqırıp, Onı krestke qaqtı. Insannıń júregi qansha jaman? Injilde aytılǵan:
júrek hámme nárselerden aldawshı hám júdá jaman; kim onı bile aladı? (Eremıya 17:9)
Biz Qudaydıń bereketin ózimizge qolaylı bolǵansha qabıl etemiz, biraq Oǵan mútáj bolmay qalsaq, Onıńnan qutılamız.
Qudaydıń támiyinlewi
Biz ózimizdiń Sadıq Dosımızdı krestte kórgenimizde, Qudaydıń muhabbatın kóremiz – bizge qarsı húkimde bir de sóz aytılmaǵan yamasa barmaq kóterilmegen.
Quday Óz Ulıwın dúnyaǵa dúnyanı ayıplaw ushın emes, al dúnya Onıń arqalı qutqarılsın dep jiberdi (Yuxanna 3:17).
Isa gúnalılar ushın ózin qurban etti, Óz dushpanlarına tek muhabbatlı meyirimdi kórsetti. Ol duwa etti:
Áke, olardı keshir, sebebi olar ne islep atırǵanın bilmeydi (Luka 23:34).
Sol dárya sıyaqlı, krest adamlar Onıńnan qutılıwǵa háreket etken jer edi. Biraq Onıń ólimi sebepli, Isaǵa táwbe etip, gúnahların moyınlap, Onı óz Qutqarushısı retinde qabıl etkenlerdiń hámmesine meyirim áli de aǵıp tur. Bizdiń gúrrińimizdagi sadıq it óz iyesiniń ómirin saqlap qaldı, oǵan birneshe jıl kóbirek ómir súriwge múmkinshilik berdi. Isa tek qısqa waqıtqa emes, al isengenlerdiń hámmesine máńgilik ómir beredi.
Sizdiń háreketińiz
Eger siz Isanı óz Qutqarushıńız retinde bilmeseńiz, biz sizdi házir Onıń meyirim arqalı sizi qutqarıwına ruqsat beriwge shaqıramız. Keyinirek, Ol húkim etiwge kelgende, Onıń qahar-ǵázebi «pesh sıyaqlı janadı» (Malaxiya 4:1), hám sol waqıtta siz shın mániste qıyınshılıqqa ushıraysız! Siz óz Sadıq Dosıńızdıń sizi házir qutqarıwına ruqsat bermeysiz be?
