Бул Адам гүнакарларды қабыл етеди
Ал фарисейлер ҳәм дин муғаллимлери наразы болып: «Бул адам гүнакарларды қабыл етеди ҳәм олар менен бирге аўқатланады», – деди. Лука 15:2
«Бул адам гүнакарларды қабыл етеди»
Қандай таңқаларлық мәрҳамат!
Ол бизди қутқарыў ушын келди,
Ҳәм биздиң орнымызға өлди.
«Бул адам гүнакарларды қабыл етеди»
Ҳәм гүнамызды кеширеди,
Ҳәм жүреклеримизди өзгертеди
Солай етип, ишимизде муқаддес боламыз.
«Бул адам гүнакарларды қабыл етеди»
Ҳәм бизди Өзиниң руўханийлери етеди,
Солай етип, биз қатнаса аламыз
Аспандағы тойларда.
«Бул адам гүнакарларды қабыл етеди»
Ҳәм оған сиз де киресиз;
Егер сиз тәўбе етсеңиз,
Ол сиз бенен де аўқатланады.
