«Евангелисттиң жумысын ислең, хызметиңизди толық орынлаң»
Бир неше жыл алдын, Арқа Нигериядан бир мектеп муғаллими былай деп жазды: «Бир күни классханамда жерде бир тракт көрдим. Оны көп аяқлар таптаған еди. Мен оны алып, атын оқыдым: “Инжил маған не береди?” Қудай маған сол сораўды бериўимди сорап атыр ма еди? Мен трактты қайта-қайта оқыдым ҳәм Қудай ҳақыйқатында да мениң турмысымда ислеп атырғанын түсиндим. Мен Өмиримди Оған бағышладым ҳәм Инжилди оқый басладым. Мен сол мыжырайған трактты басқа исеними жоқ адамларға да бердим. Мен ҳәзир билемен, Қудай ҳәтте кир трактты да гүнакарларды Мәсихке бурыў ушын қолланса болады. Мен олардың қаншалық күшли екенин көргенимнен кейин, турақлы тракт тарқатыўшы болғым келеди».
Дүнья жүзилик абырайға ийе бир евангелист былай деди: «Уллы Ўазыйпаны орынлаў ушын басылған беттен нәтийжелирек қуралы билмеймен». Ҳәм бир тракт баспаханасының редакторы былай деп жазды: «Кең тарқалған әдебият тарқатыў Шіркеўдиң Хош Хабарды тарқатыў ушын ең жақсы усылларынан бири болған. Сөйленген сөзди тракт тарқатыў менен толықтырмаған евангелист, ҳақыйқатында да ең аңсат даўам етиў усылын өткереди».
Егер сиз баслағыңыз келсе, евангелисттиң жумысын ислеўдиң ең аңсат жолларынан бири – тракт тарқатыў. Егер сиз оларды көшелерде бетпе-бет тарқатыўдан тартынсаңыз, адамлар оларды табатуғынына исенген жерлерде қалдырыўдан баслаң. Сондай-ақ оларды барлық хат-хабарларыңызға ҳәм почта арқалы төлейтуғын барлық есап-китапларыңызға қосың. Сизде қандай басқа хызмет болмасын, жоқарыдағы аят бизге евангелизм оның бир бөлеги болыўы керек екенин айтады. Сиз талантлы евангелист болмаўыңыз мүмкин, бирақ сиз тракт тарқатыў арқалы оның жумысын ислей аласыз.
