Биргеликте Хожайынға хызмет етиў (3)—Юхан Марк
Юхан олардан кетип, Иерусалимге қайтып келди… Варнава Юханды, Марк деп атайтуғын, өзи менен бирге алып кетиўге қарар етти. Бирақ Павл олар менен Памфилияға кеткен, ҳәм жумысқа олар менен бармаған адамды алып кетпеўин талап етти… солай етип Варнава Маркты алып, Кипрге жүзип кетти. Ҳаўарийлер 13:13, 15:37–39 Маркты алып кел, өйткени ол маған хызмет етиў ушын пайдалы. 2 Тиметейге 4:11 Ҳаўарийлер 13:13, 15:37-39; 2 Тиметейге 4:11 · NKJV
Юджин П. Веддер, мл.
Юхан Марктың тарийхы — Мухаддес Жазыўда Қудайдың Өз хызметшилерин тәрбиялаўдағы сабырлығын, ҳәм Оның Өз мәрҳамат мақсетлерин әмелге асырыў ушын ҳәр түрли адамларды ҳәм ўақыяларды қалай қолланғанын көрсететуғын көп санлы баянлардан бири. Қудайға шүкир ет, Ол бүгин де биздиң турмысымызда усылай жумыс ислейди!
Юхан Марк Варнаваның ағасының баласы, Мариямның улы еди, оның үйинде көп адамлар қамақтағы Петр ушын дуўа етип атырған еди. Жаслар, Хожайын бүгин дуўа мәжилисинде сиздиң дуўа еткениңизди еситиўди қәлейди! Көп өтпей Марк Варнава ҳәм Саўлға Антиохияға қайтып атырғанда қосылады. Кейин ол олар менен биринши миссионерлик экспедициясында жәрдем бериў ушын барады. Бирақ ис қыйынласқанда, ол кетип, үйге жүзип кетеди. Садықлық үйрениўге аңсат сабақ емес!
Екинши сапарға Маркты алып кетиў яки алып кетпеў күшли келиспеўшиликке себеп болады. Павл ҳәм Варнава айырылысады, Варнава Маркты өзи менен бирге алып кетеди. Павлдың басқа миллетлерге хызмети усы жерден баслап тийкарғы орында болады. Инжил Варнаваның хызмети ҳаққында басқа ҳеш нәрсе айтпайды. Биз оның Маркқа устазлық етиўди даўам еттирген деп болжаймыз. Исениўшилердиң мәрҳаматта ҳәм Ходайымыз Ийса Масихты билиўде өсиўине жәрдем бериў тыныш, бирақ әҳмийетли хызмет. Хожайын сизди буны Ол ушын еткениңиз ушын сыйлықлайды.
Петр 1 Петр 5:13 те «улым Марк» деп айтады. Биз буннан Хожайын оны да Марктың өсиўине жәрдем бериў ушын қолланған деп жуўмақ шығарамыз. Павл Маркты көргиси келген ҳәм Марктың хызметтеги пайдалылығы ҳаққында айтқан (2 Тим. 4:11). Ақыр-аяғында, Марктың Қудайдың Ҳақыйқый Хызметшисин усынатуғын Инжилди жазыўы бизге Қудайдың Марктың турмысындағы мақсетиниң тамаша әмелге асырылғанын көрсетеди.
