Saturday, October 12, 2024

Sebebi Quday Óziniń pútkil tolılıǵınıń Onda bolıwın maqul kórdi. Masiyxtıń atanaq aǵashtaǵı qanı arqalı tınıshlıq ornatıp, Quday Ol arqalı jer hám aspandaǵılardıń barlıǵın Ózi menen jarastırıwdı qáledi.

Kolosalılar 1:19-20

Sen ullısań, ájayıp isler isleyseń, Sen jalǵız Qudaysań.

Zabur 85:10

Men sizler ushın dúzgen jobalarımdı Ózim bilemen, – deydi Jaratqan Iye. – Bul jobalarım sizlerge apat emes, al abadanshılıq alıp keledi, keleshekke úmit baǵıshlaydı.

Eremiya 29:11

Kelińler, máseleni birge talqılayıq! – deydi Jaratqan Iye. – Gúnalarıńız qıp-qızıl bolsa da, Olar qarday appaq boladı. Olar shım qızıl bolsa da, Aq júndey boladı.

Iyshaya 1:18

Quday, Saǵan uqsası bar ma eken? Óz xalqıńnıń qalǵanlarınıń, Jınayatların hám kóterilislerin keshiretuǵın basqa Quday joqdur. Máńgige ǵázeplenbesseń xalqıńa, Sebebi sadıq miyrimińdi kórsetiwdi maqul kóreseń.

Mixa 7:18

Quday menen jaras, tınıshlıqta bol, Sonda bereket tabarsań.

Ayup 22:21

Solay etip, súyikli tuwısqanlarım, men janıńızda bolǵanımda, sizler bárqulla Qudayǵa boysınatuǵın edińler. Al házir janıńızda joq waqtımda da burınǵıdan kóbirek boysınıp, qorqınısh hám saqlıq penen, qutqarılıwıńızdı ámelge asıra berińler. Sebebi Ózine unaǵan islerdi qálewińiz hám islewińiz ushın, Qudaydıń Ózi sizlerge túrtki saladı.

Filipliler 2:12-13

Jaratqan Iye! Sen bizlerge tınıshlıq bereseń. Islegen barlıq islerimizdi bizler ushın júzege asırǵan Senseń.

Iyshaya 26:12