Неге Ийса өлди?
«Себеби Қудай дүньяны сондай сүйгенлигинен, Өзиниң жалғыз Улын берди. Оған исенген ҳәр бир адам жоғалмасын, бәлки мәңгилик өмирге ийе болсын». — Юханна 3:16
Неге өлемиз
Сиз ҳәм мен гүнакар болғанымыз ушын өлемиз. Биз Қудайдың әдалатлы өлим ҳәм ҳүким жазасына дуўшар болдық (Римлилерге 3:23, 6:23; Еврейлерге 9:27).
Өлим Ийса Мәсихке ҳүким ете алмады
Ийса Мәсих аспаннан түсти (Юханна 6:41). Ол Мухаддес Руўх арқалы ҳәмиледар болып, Мәриямнан, бир қыз баладан туўылды (Матта 1:18,20,23). Оның биздегидей гүнакар тәбияты жоқ еди ҳәм Ол ҳеш қашан гүна қылмады (1 Юханна 3:5; 1 Петр 2:22). Сонлықтан, өлим Оған ҳүким ете алмады.
Ол жаман адамлардың Өзин хашқа кериўине ықтыярлы түрде рухсат берди
Ол жаман адамлардың Өзин Калвариде хашқа кериўине ықтыярлы түрде рухсат берди (Юханна 6:38; 10:17-18).
Егер Ол хаштан түскиси келгенде, ҳеш нәрсе Оған тосқынлық ете алмас еди – не мықлар, не Рим империясының күши. Сиздиң қымбатлы, өлмейтуғын жаныңызға болған сүйиспеншилик Ийса Мәсихти аспаннан түсирди, Оны сол уятлы хашқа алып барды ҳәм Ол қутқарыў исин тамамлағанша сол жерде услап турды (Юханна 19:30).
Басқа жол жоқ еди
Қудиретли Қудай сизди гүналарыңыздың әдалатлы жазасынан қутқарыў ушын басқа жол ҳәм басқа адам жоқ еди (Ҳәўарийлердиң ислери 4:12; 1 Юханна 4:9-10).
Қудайдың мақуллаўы
Қудай Мәсихтиң хаштағы уллы исин мақуллады ҳәм Оны өлимнен тирилтип, аспанда Өзиниң оң қолына отырғызыў арқалы көрсетти (Ҳәўарийлердиң ислери 5:30). Ол ҳәзир сол жерде – тири, сүйиспеншиликке толы Инсан, биздиң гүналарымыз ушын өлгенде алған жаралары әли де Оның қолларында ҳәм аяқларында (Юханна 20:27).
Сиз буны оқып атырғаныңызда, Ол аспаннан сизге қарап тур ҳәм Ол сиздиң жүрегиңиздеги ойлар ҳәм нийетлерди биледи. Ол сиздиң гүналарыңыз ҳәм Ол ҳаққында не ойлап атырғаныңызды биледи. Ол сиздиң Қутқарыўшыңыз болғысы келеди.
Неге Ийса өлди?
Ол сиздиң гүналарыңыз ушын өлди! Сиздиң көп гүналарыңыз Оның өлимине себеп болғанын түсиниўиңиз керек. Ҳәм бир ғана гүна сизди Қудайдың кәмил аспанынан мәңгиге шетлетиўге жетерли. Бирақ сиз Қудайдың кеширимин Оған гүналарыңызды мойынлаў ҳәм Оған Өзиңиздиң орныңызға келген Қутқарыўшы сыпатында исениў арқалы ала аласыз (Римлилерге 10:9).
Сиз маған бәлким бөгде адам болсаңыз да, Қудайға бөгде емессиз; Ол сиз ҳаққында бәрин биледи. Ийса Мәсих сизди гүналарыңыздың жазасы ҳәм күшинен жеке өзи қутқарды ма? Сиз буған Библияға тийкарланып исенесиз бе? Егер сиз Оны ҳәзир Қутқарыўшы сыпатында қабыл етпесеңиз, ақырында Оның алдында Өзиңиздиң Ҳүкимдарыңыз сыпатында турасыз, бирақ онда мәңгиге кеш болады! (Юханна 5:22; Аян 20:11-15).
Сиз не ислейсиз?
«Оған исенген адам ҳүким етилмейди; бирақ исенбеген адам әллеқашан ҳүким етилген, себеби ол Қудайдың жалғыз туўылған Улының атына исенбеген». (Юханна 3:18) «Ҳәм сиз билесиз, Ол биздиң гүналарымызды алып таслаў ушын келди, ҳәм Онда гүна жоқ» (1 Юханна 3:5). «Егер биз бундай уллы қутқарыўды итибарсыз қалдырсақ, қалай қутыламыз?» (Еврейлерге 2:3)
