1968-жылдың декабрь айындағы Аполлон 8 космос миссиясы адамның айға биринши мәрте ушыўын белгиледи. Ай орбитасында жүргенде, экипаж атақлы «Рождество алдынан хабар» деп аталған, шама менен бир миллиард адам тыңлаған жанлы теле-радио хабарды берди.
Эфирде болғанда, астронавтлар Жаратылыс китабының биринши бабынан жаратылыс ҳаққындағы баянның бир бөлегин оқыды. Үш астронавттың ҳәр бири гезеклесип, майор Уильям Андерс «Басында Қудай аспан менен жерди жаратты» деп оқыўдан баслады. Капитан Джеймс Ловелл өз гезегин алғаннан кейин, полковник Фрэнк Борман «Ҳәм Қудай оның жақсы екенин көрди» деп жуўмақлады. Бул үшеўи әлемниң әжайып-ғайыпларының айырымларын биринши болып көрген адамлар еди ҳәм пүткил дүньялық аудитория алдында олар ҳәммесин Жаратыўшыға миннетдаршылық билдирди. Ол планеталарды өзлериниң анық орбиталық ҳәрекетлерине қойған, онсыз жерден айға ҳәм қайтып келиўге бағдарлаўшы есаплаўлар мүмкин болмас еди. Жерге қайтып келе жатқанда, Билл Андерстен космос кемесин ким басқарып атырғанлығы соралды. Ол: «Менимше, Исаак Ньютон ҳәзирги ўақытта көп бөлегин басқарып атыр», – деди. Ньютон космостағы объектлерге тәсир ететуғын ҳәрекет ҳәм тартылыў нызамларын биринши болып сүўретлеген.
Жаратылыстың данышпанлығы
Ньютонның қәниге устаға биздиң қуяш системамыздың масштаблы моделин қурдырғаны ҳаққындағы гүрриң көп айтылады, ол кейин Ньютонның үйиндеги үлкен үстел үстинде көрсетилген. Керемет шеберлик планеталардың ҳәр түрли өлшемлерин ҳәм олардың салыстырмалы жақынлықларын имитациялап қана қоймай, сонымен бирге, тутқаш буралғанда ҳәмме нәрсе анық айланып ҳәм орбитада жүретуғын жумысшы модель де еди.
Бир күни Ньютон өз кабинетинде отырғанда, оның досты келди, ол үлкен илимпаз еди, бирақ сонымен бирге атеист те еди. Модельди ынталы ҳайран қалыў менен тексерип, ол былай деп айтты:
«Ой! Бул қандай әжайып нәрсе! Оны ким иследи?» Китаптан басын көтерместен, Сэр Исаак жуўап берди,
«Ҳеш ким». Тексериўин тоқтатып, мийман бурылып былай деди:
«Сиз мениң сораўымды дурыс түсинбегенсиз. Мен оны ким ислегенин сорадым». Ньютон, әлбетте, достына сабақ бериў имканиятынан ләззет алып, салмақлы үн менен жуўап берди,
«Ҳеш ким. Сиз бул жерде көрген нәрсе ҳәзирги формасын өзинен-өзи алды». «Сиз мени ақымақ деп ойласаңыз керек!» – деп қарсы шықты мийман. «Әлбетте, оны кимдир бир ислеген, ҳәм ол данышпан. Мен оның ким екенин билгим келеди». Китабын бир шетке қойып, Ньютон орнынан турды ҳәм достының ийнине қолын қойып былай деди,
«Бул нәрсе сиз нызамларын билетуғын әдеўир үлкен системаның әззи имитациясы ғана. Мен сизге бул әпиўайы ойыншықтың жобалаўшысы ҳәм ислеўшиси жоқ екенин исендире алмайман. Бирақ сиз, атеист сыпатында, жобаның алынған үлкен түпнусканың жобалаўшысыз да, ислеўшисиз де пайда болғанына исениўди дәўа етесиз!» Сол күни кеткенде атеист енди атеист емес еди.
Сиздиң Жаратыўшыңыз
Ийе Ийса тек ғана қуяшты, айды ҳәм жулдызларды жаратып қана қоймай, Ол сизди ҳеш қашан өлмейтуғын руўҳ ҳәм жан менен жаратты. Жердеги өмиримиз тамамланатуғын күн келеди ҳәм
ҳәр биримиз Қудайға өзимиз ҳаққында есап беремиз (Римлилерге 14:12).
Сиз Жаратыўшыңыз бенен ушырасыўға таярсыз ба? Оған ҳәзир жоғалған гүнакар сыпатында келиң, Ийе Ийса Мәсих сизди сүйиўине ҳәм гүналарыңыздың ҳақысын төлеў ушын ҳәм сизди тозақтағы мәңги азаптан қутқарыў ушын крестте өлгенине исениң.
Себеби Қудай дүньяны сондай сүйди, Ол Өзиниң жалғыз туўылған Улын берди, Оған исенген ҳәр бир адам жоғалмасын, бәлки мәңги өмирге ийе болсын. (Юханна 3:16)
Сиз Оны бүгин Ийеңиз ҳәм Қутқарыўшыңыз сыпатында қабыл етесиз бе?
