Қудай менен дурыс болыў

Қудай менен дурыс болыў Тек бир гүна Адам менен Ҳаўаны Едем бағынан қуўып шығарды. Егер бир гүна жердеги жәннеттиң жоғалыўына алып келген болса, бир гүна бизди Қудайдың аспандағы жәннетинен шеттетиўи таң қалдырмаўы керек. Ашығын айтқанда, биз тек бир гүнаға емес, ал олардың таўларына гүнакармыз: ой, сөз ҳәм ис гүналары; белгили ҳәм көптен умытылған гүналар; жасырын гүналар ҳәм жәмийетлик гүналар. Гүна бизди аспаннан шеттеткенликтен, гүналарымыздан қалай қутыла аламыз ҳәм Қудай менен дурыс бола аламыз? Гүналарымыз ушын дуўалар, қурбанлықлар ямаса қайғы-қәтерди билдириў арқалы төлей аламыз ба? Дуўа әҳмийетли, бирақ ол жалғыз өзи бизди Қудай менен ҳеш қашан дурыс етпейди. Қурбанлықлар ямаса қайғы-қәтер де етпейди. Биз дуўа етип, сатып алып ямаса жылап аспанға кире алмаймыз! Қудайдың айтыўынша, гүналарымыз тек Ғутқарыўшы Ийсаның қанына исенимиз арқалы кешириледи, ол биздиң гүналарымыз ушын мәңгиликке төлем төледи: «Ким Оған исенсе, гүналарының кеширилиўин алады» (Ҳаўарийлердиң ислери 10:43). Қудайдың биздиң жағдайымыз ҳәм оның ақыбетлери ҳаққында не айтқанын тыңлаң: «Ҳәмме гүна қылды ҳәм Қудайдың даңқынан кем болды»; ҳәм «Гүнаның мийнети — өлим» (Римлилерге 3:23; 6:23). Қудай биздиң қандай гүнакар екенимизди биледи, бирақ Ол бизди сүйгенлиги ушын ҳәр биримиз ушын «Мәсих Ийсадағы қутылыў арқалы … Оның қаны арқалы» қутылыўды тәминледи (Римлилерге 3:24-25). Қудай сиздиң гүналарыңыздың кеширилиўин алыўыңызды, Мәсихтиң кресттеги тамамланған исине сүйениўиңизди ҳәм Оның менен аспанда болатуғыныңызды билип қуўаныўыңызды қәлейди (Лука 23:43; Юханна 14:3). Бүгин Оның менен дурыс болмайсыз ба? Жазыўлар Жаңа Король Джеймс Версиясынан, © 1982, Томас Нельсон, Инк. Рухсаты менен.