Monday, April 27, 2026

Hayaldan tuwılǵan insannıń, Ómiri qısqa, azapqa tolı boladı. Ol gúl sıyaqlı ósedi, solıp qaladı, Kóleńke sıyaqlı tez ótip ketedi, turıp qalmaydı.

Ayup 14:1-2

Dúnya hám onıń qálewleri ótip ketedi, biraq Qudaydıń erkin orınlaǵan adam máńgi jasaydı.

1 Yuxan 2:17

Yaǵnıy, Adam-ata menen qatnası bolǵan pútkil adamzat óletuǵını sıyaqlı, Masiyx penen qatnası bolǵan barlıq adamlar tirilip, ómirge erisedi.

1 Korinfliler 15:22

Shiriytuǵın hám óletuǵın denemiz shirimeytuǵın hám ólmeytuǵın bolıp ózgerse, Muxaddes Jazıwda aytılǵan mına sózler iske asadı: «Ólim joq etildi, ol jeńildi!»

1 Korinfliler 15:54

Jasasaq, Iyemiz ushın jasaymız. Ólsek te, Iyemiz ushın ólemiz. Solay etip, jasasaq ta, ólsek te Iyemizge tiyislimiz.

Rimliler 14:8

Óytkeni meniń ushın ómirimniń mánisi – bul Masiyx, al ólim utıs demek.

Filipliler 1:21

Solay etip, usı bekkem isenimińizdi joytpańlar. Óytkeni ol ushın alatuǵın sıyıńız úlken. Qudaydıń qálewin orınlap, wáde etilgendi alıwıńız ushın, sizlerge sabırlılıq kerek boladı. Sebebi Quday bir payǵambarı arqalı bılay degen: «Endi az-maz waqıttan keyin, Keletuǵın tez arada keledi, Ol keshikpeydi.

Evreyler 10:35-37

Tún ótip, kúndiz jaqınladı. Sonlıqtan qarańǵılıqtıń islerin taslap, nurdıń sawıt-quralların taǵıp alayıq.

Rimliler 13:12

Hámme nárseniń aqırı jaqın. Sonlıqtan duwa etiw ushın aqıl menen is tutıp, sergek bolıńlar!

1 Petr 4:7